مشكلتى مع الفثافيث

انا عايز اناقش قضيه خطيره جدا بخصوص رسالة الترحيب اللى بتوصل فور
التسجيل

انا عايز اقول ياجماعه اننا هنا فى منتدى الفثافيث وبصراحه انا مش عارف
يعنى ايه فثافيث انا كل الموضوع ان كان عندى مشكله معينه بدور لها على حل
اتقابلت فى واحده منها لله .... قالتلى سجل معانا فى منتدى الفثافيث فقلت اهو
اريحها وبالمره ابحث عن حل لمشكلتى

وبصراحه انا مشكلتى مع اصحابى واصحابى دول 3 مبيبطلوش رغى وحظى
السقيم انهم كانوا معايا من اول ابتدائيه والحمد لله معايا فى الكليه وفى نفس
القسم ومبيبطلوش رغى كل حياتهم الرغى حاولت كتير انصح واتناصح وادلهم
على الطريقه الصحيحه فى طرح اى موضوع او التعبير عن موقف وفشلت
وغريبه اوى حكاية الرغى دى حتى المقوله بتاعت خير الكلام ماقل ودل وجدو
الله يرحمه كان دايما يقولى يابنى الرغى عى الفاضى زى عسكرى المرور

بصراحه مش عارف ايه وجه التشابه بين عسكرى المرور والرغى وسألت
ناس كتير عن الموضوع دا محدش جاوبنى المهم سيبتنى من اصحابى وعيشت
حياه تانيه بعيدا عن الرغى

ظهرت لى مشكلة النسيان والصراحه ارهقتنى كتير حكاية النسيان لدرجة ان
ى رحت لدكتور عندنا فى الحدايق كتبلى شوية اقراص وكلام فاضى ويقولى
جلسات وعلاج طبيعى طنشته وسمعت ان فيه دكتور بيجى على قناة الناس
اسمه عادل عبدالعال بيعالج بالاعشاب وواخد دوره فى اوروبا عشان الحجامه

رحت اتفرج على البرنامج بتاعو عرفت ان الحكومه اعتقلته والله حاجه غريبه
جدا كل ماواحد يخترع حاجه الحكومه تحطه فى السجن ويقولوا دا نصاب زى
ايمن نور الله يرحمه وبصراحه مش بحب ادخل فى السياسه اصل من كام يوم
كانوا الحكومه بيرصفوا الشارع عندنا وبعد ماخلصوا رصف ب 3 ايام جه
مهندس تانى ومعاه المعدات وبيحفر الشارع فنا صاحى الصبح رايح الكليه لقيت
الحوار دا بقولو خير يابشمهندس قالى بنحفر لمشروع المجارى قلتله ما الكلام
دا كان قبل ما ترصفوا اول مره ولا هو خراب وكتر فلوس قالى معلش ياحبيبى
اومال يعنى المحافظ ياكل منين ههههه اه فهمت الحوار

وانتوا طبعا مش عارفين حوار الفلاحين اللى عاملين شكاوى فى وزارة الزراعه
عشان مشروع الرى المطور اللى عملوه وبيقولوا بعد ما خلصوا المشروع
والوزاره راحت تستلم لقت نص المبانى وقعت والمشروع انهار قبل ما يتسلم الله
على ام الحكومه بس اقولكم

واحنا مالنا احنا كدا هندخل فى السياسه ونتكلم على الحكومه طب واحنا مالنا
مانعيش واحنا ساكتين ...ههه وبمناسبة السكوت سمعت واحد كان بيتكلم من
فتره على قناة المحور تقريبا بيقول لما انها الاتحاد السوفيتى اسرائيل استوردت
العلماء الروس اما مصر والدول العربيه استوردت الراقصات الروس هههه
عدوها ما احنا ناس بتحب الهز اساسا

فكونا ياجماعه من الموضوع دا احسن لما بتكلم فى السياسه دمى بيتحرق
وخصوصا كل ما افتكر اللى بيعمله محمود عباس قال بيعمل اتفاقيات مع
اسرائيل شوفوا الراجل الخايب طب دا مهما يعمل اتفاقيات هو يعنى مش فاكر
تجربة السادات الله يرحمه وربنا بيقول انهم فى طبعهم نقض العهود ... ماتفكنا
يابنى من السياسه احنا عايزين نتجوز

اه صحيح بمناسبة موضوع الجواز طقت فى دماغى من فتره اتجوز او اخطب
حتى وحصل موقف فكاهى جدا رحت قلت لحنان وبالمناسبه حنان دى تبقى ماما
وهى صحبتى الوحيده فى الحياه وبتحبنى مووت حتى بابا بيغير منى ساعات
بس مين انا اصلا اصحابى حاجه كبيره فى حياتى مبقدرش ارفضلهم طلب وناس
بيقولوا ان سبب تعاستى هم اصحابى وانا بردو حاسس كدا

بس بردو معرفش اغير موقفى معاهم ااااااااه بمناسبة موضوع المواقف فى واحد
صحبى مسافر الحج النهارده هروح اسلم عليه احسن لو مارحتش هيبقى موقف
وحش اوى وبالمره اوصيه يجيبلى علبة سجاير من السعوديه

يلا هروح اسلم عليه واجى

سلام

يااااااااااااااااااااااااااااااااااااااااااااااااااااااااااااه

بص هو بصراحه الموضوع شكله جامد بس متتخيلش انى قريته كله هو حبه مقتطفات سريعه كده

بس ادا انت من الحدايق دا انت من منطقتنا بقى على كده
هى مين دى اللى قالت لك تيجى عندنا صحيح لحسن تكون انا وانا مش واخده بالى

اوعى تقولى انك اميره احسن اتفلق وازعل

ايوا انا اميره فى اعتراض متعصب

لا مفيش اعتراض فيه ناس هتدفع اللى عليها

اية يعم الكلام دة كلة بس بجد قشطة عليك شكلك مثقف

وبعدين حدايق اية اللى انتو منها دة احنا بقى جيران