هام لكل الفثافيث والفثفوثات

بصو بقى يا فثافيث منك ليها لها لوه

عشان احنا منتدى ديموقراطى وبنشجع اللى بيشجعوه

المنتدى بقى له فتره شكله متغيرش وبنفكر نغيره

قلنا نعمل استفتاء اللى موافق ان شكل المنتدى يتغير يرفع صوابعه واللى عاجبه كده ميرفعش حاجه

يعنى واللى عايزه يتغير ياريت يقدم لنا اقتراحات عن اللون والستايل والشعار وكده يعنى

نعمل مع بعض المنتدى من جديد

ده فى حاله ان كلكوا تكونوا زهقانين من شكل المنتدى وعايزين تغيروه

بس خلاص ردود بقى عشان معورش حد فى مناخيره واخليكوا المنتدى صفحه بيضا خالص وان كان عاجب

مممممممممممم
بجد انا مش عارفه هو الاستايل لذيذ وروش وبناتى

بس مش عارفه مهو يمكن اما يتغير يبقى احلى واحلى بجد انا مش عارفه اختار

واكمن انا عضوه جديده هنا كمان لسه مزهقتش اوى من الاستايل

معلش انا عارفه انى مدتكيش عقاد نافع

بس هو كده حلو وكده حلو

مش مهم الاستايل المهم الفثافيث

و انا من موقعى هذا شايف اننا لازم نغير الاستايل والالوان والادارة

لأن سنة الحياة التغيير

وكمان شايف ان الالوان الغامقة وخاصة الاسود والكتابة بلون فاتح هيكون شيك اوى

ده رأيى

ماشى ياعم

الاستايل والالوان ماشى ممكن نغيرهم لكن الاداره دى لمنكن ابدا كده جيت منطقه الخطر

وعلى فكره بصفه عامه الواحد بيغير للافضل مش للتغير لمجرد التغير لانها سنه الحياه
هو مين اللى سننها؟
واما بقى ازاى كان من ضمن اقتراحاتك اننا نخلى لون المنتدى اسود يعنى او اى لون غامق
فا دى حاجه نسيت اقولها فى الموضوع ان كلوا الا اللون الاسود بالرغم انى بحبه جدا
لا انه فقد رونقه لان معظم المنتديات اللى من نوعيه منتدانا استايلها اسود باشكال مختلفه
واحنا مبنحبش نقلد حد ثم انه ليه اضرار مختلفه احنا جربناها قبل كده يعنى حتى لو استقر الراى
العام على ان الاستايل يكون اسود هيكون ابيض فى اسود الابيض هو الاساس يعنى عشان المنتدى ميتعبناش بعد كده
وبس
وميرسى على رايك ومستنين افكار تانيه

اناشايف انكم تقفلوه احسن وبكده ترتاحو من تغيير الشكل
سوررررررررررري كتير يا جماعه تم تغيير الرد ولا انا متطرف ولا فيه سبب زي ماتكرمت الاخت وقالت واسف مرة تانيه منتداكم وانتو حريييييييييييين فيه

شكرا للقائمين علي المنتدي

يعم ويحذف لية كل واحد حر فى رأية

لا مش مستاهله حذف كل واحد حر فى رايه

على الرغم من ان الموضوع ملوش علاقه باللى انت بتقوله يعنى انا كنت بسال على الشكل وانت تطرفت بس يلا مفيش مشاكل
اولا المنتدى واضح من اولها اننا مش سياسين ولا هو منتدى اسلامى بحت وان كان دلينا بعض الاقسام الاسلاميه التى لا باس بها يعنى مضحكناش على حد من الولها
اما بقى الاغانى والافلام اللى مش عجباك احنا مفرضناهاش على حد وده موجود وده موجود بس الظاهر انك انت اللى مش شايف غيرها
ولو المنتدى مش متفق مع ميولك ده طبيعى لانه صعب نرضى الناس كلها
ولو انى عارفه اللى ورا الراى المضاد ده اللى جه مره واحد ولكن شكرا على اهتمامك

زائر

أرجو النظر فى تظبيط المنتدى زى العرض بتاعه والحج والسمك والإنحراف المعيارى المتداخل

ويا ريت الساده المديرين يتنازلوا عن منصبهم ويسيبوا القيادات الشابه إنها تمارس عملها السياسى

والقيادى فى المنتدى والناس القديمه دى بقى ابقى نعملها اشتراك فى القطر اللى بيروح ومبيرجعش

لأننا كمصريين لما نلزق فى كرسى مش بنحب نطلع غير بالزماره بالبلدى والايس كريم

وشكرا على الديمقراطيه البحته دى والاختيارات اللى أنا مش عارف أختار مين فيهم.

انا بالنسبة ليا شايف ان فى اكتر من حاجة عاوزة تتغير

اولها اللون يعنى مثلا اللون الابيض دة لو بقى سماوى واللون الموف دة ولا الفحلقى

دة يبقى درجة اغمق من السماوى بشوية هيبقى حامد

ويا سلام بقى لو الكلام اللى فوق بتاع الفثافيث للتهييثث دة اتعدل شوية معرفش حاسس انة معووج

يعنى يتظبط

اللى فات دة كلو كوم واللى جى كوم تانى

يعنى ياريت لو اتحط جنب الامامير اللى فوق فى اول الصفحة دول ولدين عساسييل كدة ولا بلاش ولدين خليهم واحد بس

يعنى واى كلمة كدة تدل ان المنتدى دة للشباب برضة

مش كفاية الرابط

ودة مجرد راى

وياريت نشوف راى الناس كلها فى الموضوع دة

اوك شكرا على الاراء وهتندرس باذن الله

بس انت مش واخد بالك ان البنات دول شبهنا انا والبت امل ومنى ولا ايه
وبعدين ازاى نوقف ولد معانا ده حتى عيب ميصحش

والاداره هتفضل على قلبكوا زى ماهيا (متنكروش انها احسن حاجه فى المنتدى)جاملونى بقى وبلاش رخامه
بس عادى يعنى احنا بنشجع الشباب يعنى اللى احنا مش منهم لو حد طقت فى دماغه وعايز يدير وماله يدير بس هو يجيب لى ورقه ممضيه من اتنين محترفين نت لايقل تواجدهم اليومى على النت عن عشرين ساعه ويحط عليها ختم الفثافيث وانا اعينه وماله برضوا دول زى اولادنا

هاى انا بقطرح ان الاستايل يفضل زى ما هو لان هو الى مميز الاالمنتدى عن اى منتدى تانى وبجد الاستايل ده جامد اوى وعاجبنى موت (ميرسى)

ميرسى على رايك ياتالين

وانشاء الله احنا مش هنتحرك ونغير فى شكل المنتدى غير مع راى الاغلبيه
ولو فى ناس كتير طلبت ده معاكى انشاء الله مش هيتغير

ده غير انه ز ى ماقالت الفثفوثه بطه
انه ممكن لما الاستايل يتغير يكون لذيذ برضوا مهو اللى عمل ده هو اللى هيعمل اللى جاى
على العموم احنا لسه فى الاول ولسه بنستعرض الاراء
خدتى بالك من نستعرض دى

لالا ياجماعه انا مع تالين الاستايل ده لذيذ وعاجبنى اوى

وبعدين انتوا زى م اميره قالت لى المنتدى ده عاملينه من يجى تلت اشهر كده يعنى لسه بدرى
مش كل شويه تغيروا الاستايل استنوا شوبه كده خلوها فى السنه مرتين لحسن كده الاستايلات هتخلص منكوا وبعدين افرضوا غيرتوا الاستايل وطلع وحش نعمل ايه احنا ساعتها استنوا ام تتمرنوا شويه بدل ما تبوظو حاجه خصوصا الفثفوثه اميره دى انا عارفها هتخربها باذن الله

انتوا بس حطوا ولد فى الشعار زى مابندق قال عشان ممكن نعمل لكوا فيها اضراب هى فين المساواه ياجدعان

وبعدين ايه الافتراء ده عشرين ساعه على النت ليه يامفتريه احنا وضح اننا كمان هنعمل مظاهره عشان الغاء الروتين ده ماتدوا فرصه للشباب بقى هتبقوا انتوا والحكومه علينا
اشحال ما انتوا فثافيث اومال لو دمامل كنتوا هتعملوا فينا ايه

ومحدش يلعب فى الاستايل لحسن هعوره

ايوا يا اميره متغيريش حاجه واتهدى بقى

اذا كان انا اللى شدنى للمنتدى الاستايل بتاعه تقومى تغيريه بسرعه كده

واوعى تسمعى كلامهم وتحطى الولد ده هو كده لازم يفضل الحكم والسيطره للبنات لازم نوريهم العين الحمرا مش مكفيهم ان فى ولدين بحالهم فى الخلفيه واعدين كمان فى حين ان معظم البنات اللى فى الخلفيه واقفه هى دى الجنتله برضوا

بس هو انتى ممكن عشان ميزعلوش لحسن يعملوا اضراب وميسحموش فيها اسبوعين ولا حاجه ساعتها احنا اللى هنتعب اوى
ممكن كلمه بنات بتحب ترغى فى قلب الكلام دى تخليها شباب بتحب ترغى (كله على كله)يعنى
لان البنات اليومين دول اعدين ساكتين والولاد هوما اللى شغالين رغى على ودنه

وبس

لالالا ياجماعه غيروه ده بناتى اوى زياده عن للزوم

اعملوه الوان مفقرقعه كده شبابيه روشه تناسب الكل لكن كده بناتى اوى

يعنى مثلا فى ناس كتير بتخاف من الوان الفاقعه زى الاحمر والبرتقالى والاصفر ايه رايكوا تستخدما الحس الفنى البناتى وتعملوا لنا حاجه مترقعه كده
بس بشياكه يعنى اصل الناس التانين بيخفوا من الالوان دى عشان ممكن تقلب بلدى منهم لكن طبعا الفثفوثات الخارقات اللى معانا يقدروا يظبطوا اى حاجه ولا ايه(احرجتكوا )ورونا الشطاره بقى

طب والله فكره يا ميرو ماتعمليه ابيض فى اسود زى التاكسى كده

ده بجد هيبقى طاقق وروش اوى
وتدخلى مع الاسود بقى حبه احمر هيبقى تحفه

بس هو بصراحه المنتدة دلوقتى شكله جامده برضوا بس لو حبيتوا تغيروه انا ارشح انه يكون ابيض فى اسود هتبقى جديده مشفتهاش قبل كده

انا موافقه غيره يا اميره انا زهقت من الشكل ده

وموفقه كمان على راى (بوى) انه يكون مطرقع كده حاجه الوان غريبه مع بعضها
بجد هيبقى تحفه

وابقى حطى لهم كام صوره لكام ولد عشان ميزعلوش مش ديموقراطيه بقى

ايةةةةةةةةةةةةةةةةةة ده كله دة يالهوتى ولله يا جماعه الاتسايل كده جامد موت والى عاجبنى فى النتدى بتاعه الاستايل وطبعا الناس الى فيه بس بجد بجد جامد موت يا ميرا ومش تغيرى حاجه دلوقتى استنى شويه زى ما قال عقله فثفث ده Very Happy

(ميرسى)

ياجماعه انا احترت ومش عارفه اعمل ايه لو شكلنا كده هنتخانق مع بعض

بس بصوا
احنا الاول نبص على نتيجه الاستفتاء (يعنى ياريت كل اللى يدخل الموضوع يصوت)وبعد كده نبلقى نشوف لو مش هيتغير هنعد ساكتين ولو هيتغير بقى نبقى نشوف هيبقى لونه ايه ؟ وكده يعنى

هاه قلتوا ايه
عشان انا مش عايزه ازعل حد

يااااااااا لهوىىىىىىىىىىىىىىى
ادينى صوتت اهه Very Happy

بصى يا اميرة هو المنتدى عشره على عشرة
بس لو يبقى فى نيو لوك يعنى تغيرى الالوان بتعته شويه عشان يبقى نيو لوك كده
بس

بصوا انا هقول رأيى وخلاص بلا رغى
المنتدى محتاج ان شكله يتغير ويتجدد .

[size=29] انا راى خير الامور الوسط والموضوع يتحل ودى[/size]

ana b2a elle 7a5leke t5lse mn el 7era de ana shayf en keda bel egma3 en mo3zm el nas 3aiza t3'ir el shakl ana shayf keda bardo we el back grawnd bardo mosh ad keda

i'd like el color el pink 3lshan el bnat we maslan Black 3lshan el shbab we bardo el abid Lazez

kman el sewer ele gand el users 3aiz tet3'ir 3lshan f3ln bnate 5ales

we thnx & get ur decid besor3aaa