فى يوم من الايام هضرب واحد منهم

انا بجد اخر مازهقت قلت اعمل الموضوع ده هنا وخلاص

فى حاجه غريبه لاحظتها من ساعه ما دخلت الجامعه وعشت الحياه الرخمه دى

وكانت اول حاجه ان العيال تلات تربعهم تنكين غلاسه وقلت ماشى على الرغم من المفروض البنات اللى تتنك على اساس غيره البنات والكلام دهون
ولكن اكتشفت العكس ان البنات عاديه والولاد هوما اللى عايشين الدور وقلنا معلش

لكن فى اسئله واقفه فى زورى انا واصحابى وعايزين لها رد من اى ولد بس قلت خليه على المنتدى احسن عشان
لو سئلنا واحد بجد ممكن يضربنا ولا حاجه واحنا قفانا مش ناقص

ده لسه فى واحد اول امبارح قلنا له لو سمحت عايزين نعدى حسبن علينا وشويه وكان هيضربنا والواد كلم نفسه ياعينى

المهم
دلوقتى انا عايزه اعرف ايه العلاقه بين السجاير والبيبسى الكانز؟

تلاقى الولاد كلهم عندنا لازم فى ايد السيجاره من اللى علبتها ابيض فى ازرق دى وحتما ولا بد تكون الايد التانيه فيها الكانز ونفسنا نعرف العلاقه بينهم؟

والحاجه التانيه ليه اللولاد الرخمه اللى بيبقوا عاملين فيها احمد رمزى بيمشوا مشيه البطه

اللى هيا مشيه عجيبه كده ليها طريقتين
اولى
ان النص التحتانى بيبقى ماشى لوحده والنص الفوقانى بيبقى مفرود اوى فتحسى ان فى حاجه مش طبيعيه بتحصل
يعنى الواد يبقى ماشى فارد صدره اوى وفى نفس الوقت مقوس ضهره متسئلونيش ازاى والنص التحتانى تلاقوه ماشى فى حته تانيه كده

والتانيه
اللى هيا تلاقى الولد فيها منزل كتافه لحد ركبته واما بيجى يمشى تقيه عمال ينزل ويطلع زى الزنوج اما بيجوا يرقصوا كده تحسى كده انهم عاملين زى العرايس اللى بتتحرك بالخيوط فى المسرح

يلاااااااااااااااااااا بقى
اى ولد يجاوبنى قبل ما اتخانق مع واحد منهم

على فكره لسبق يحدث اول مره على ايد اميره الفثافيث
الموضوع ده مش منقول ده موضوع بيشوفه قدامى بجد وبجد معصبنى

اولا انا هرد عليكى وبعدين اقولك رأيى

بصى يا ستى موضوع التناكة اللى انت بتقولة علية دة موجود فعلا بس مش فى كل الشباب زى منتى بتقولى الحكاية كلها ان الشاب من دول لسة داخل سنة اولى بقى وعايش الدور شوية وفاكر نفسة ياما هنا وياما هناك

وبرضة فاكر انة كدة بيلفت نظر البنات بقى قاااااااااااال اية الواد دة ولا همة بنات و لا همة حاجة

اما موضوع السجاير والكنز بالذات بالنسبة لبتوع سنة اولى بالخصوص

فدة برضة من باب المنظرة وعشان الواد حس بقى خلاص انة بقى راجل

وكبر ولازم يشرب سجاير قال يعنى السجاير اللى هتخلية راجل وجنب السجاير والكنز تلاقى برضة النضارة الشمس

ومتعرفيش نضارة شمس اية دى اللى بتتلبس فى الكلية من جوة وكمان الجيتار بقى والحاجات دى ولو الواحد فضل يتكلم مش هيخلص
دة بالنسبة لردى عليكى

اما رايى الشخصى ومعلش يا اميرة متزعليش منى ان انت بتتكلمى عن حاجات انتى شوفتيها فى الكلية بتاعتك ومشوفتيش غيرها فبصراحة الكلية بتاعتك دى سواء بنات ولا صبيان معظمهم عيال فافى وشايفين نفسهم ولو مش مصدقانى اسالى اى حد تانى

والبنات اللى انتى بتقولى عليهم ملايكة دووول

تنااااااااااكة الدنيا فيهم وبرضة لو مش مصدقانى اسالى اى حد بس يكون مش فى تجارة انجلش

دة رايى فى يوم من الايام هضرب واحد منهم 148989

بص حكايه المنظره بتاعت الولاد دى انا متفقه معاك فيها

بس البنات اللى ملايكه دول هوما طبعا مش كلهم عصافير بس ارحم بكتير من الولاد
على اساس ان التناكه منهم بتبقى مبلوعه شويه( بنات بقى )
بس على فكره احنا مش فافى اوى ولا حاجه
دا احنا مضروبين بالجزمه وكل يوم بنتهزء بس هيا الحكايه الصيت ولا الغنى
بس الفكره ان لو واحد اتنك على لمؤخذه تجاره عربى او حقوق او اى حد
هنقول عليه واحد فافى وعايش الددور حبتين لكن يتنك على تجاره انجلش زيه دى اللى تبقى هبل بقى

بس انت مردتش على مشيه البطه

مشية البطة دى يبنتى بصراحة بتختلف من واحد للتانى

مثلا واحد بيلعب حديد و فرحان بجسمة شوية لازم يعرضها بادى بقى وبتاع وكل طقم ولة مشية

اما بقى العيال السفيفة فعاوزين يعرضوها يعملو اية يعنى

مهو مفيش عضلات ولا بتاع فلازم يمشى مشية يلفت بيها النظر

دة بالنسبة لمشية البطة

بس على فكرة انا بجد ليا بعض زمايلى بيمشو كدة مش عشان حاجة دى بس طبيعتهم

جميل اوى الموضوع بس انا مشوفتش الحاجات دى دى عندك بقى فى الكليه بس حكايه ماشيه الشباب ليكى حق فيها ومرسى ليكى